الجمعة 25 أكتوبر 2013 - الساعة الآن 00:03:39 صباحاً

الاثنين، 30 سبتمبر، 2013

تتفكري يا باهية عشرتنا : الأديب الشّعبي خليفة الدريدي

تتفكري يا باهية عشرتنا : الأديب الشّعبي خليفة الدريدي

تتفكري يا باهية عشرتنا : الأديب الشّعبي خليفة الدريدي


 تتفكري يا باهية عشرتنا : الأديب الشّعبي خليفة الدريدي
-------------------------------------------------------------

تتفكري يا باهية عشرتنا ** و أيّام كنّا صغار و محبّتنا

****

تتفكريش العشرة ** أيّام صغرنا و بيوتنا و الدّشرة

أيّام ما ناروش فيها كشرة ** و بيوتنا هم عزنا و لمّتنا

و كانت الفرحة عامّة بالدّشرة ** رغم الضروف و تاعبة جيهتنا

****

رغم الضروف صعيبة ** و رغم المآسي و كل يوم غريبة

حني أمس كنّا حبيب ود حبيبه ** و بين الحبايب ضاهرة مودّتنا

و اليوم هاهو العبد نقّر شيبه ** و بدت تظهر غافية بسمتنا

****

تتفكريش أيّامك ** أيّم عزّك و بسمتك و سلامك

و أيّم كنت في عزيز مقامك ** و أيّم لحضة ود ما فوّتنا

و كتبتي على الرّملة لذيذ أحلامك ** و جي ريح فرزع شملنا شتّتنا

****

على الود هكا كتبنا ** و جي ريح فرزع شملنا و ذهبنا

اعطينا العزي من عزنا تسلبنا ** كيف جت قوم الغايرة سلبتنا

و تيّار عكس الوقت زاد غلبنا ** لبسنا حوايج فسدت لبستنا

****

يا باهية قوليلي ** على أيّام بكري و المضي و احكيلي

قد ما سهرت و طال بيّا ليلي ** و إخّر السّهرة ضاوية فتيلتنا

و اليوم متخلبص قيام غزيلي ** و كي حلمت ما فسّرتها حلمتنا

****

و هاذاك صح انقولا ** و بالكش بالفرقة حكم المولى

قادر قوي و الكل ننطاعولا ** لا كان حكمه واجبة فرقتنا

و لا كان حكم الغير ما انذلّولا ** الذّل لاهو طبعنا و شيمتنا

****

الذّل لاهو منّا ** و في أصلنا لا فرض لاهو سُنّه

و طعم الحيي ما فيه حتّى بنّه ** لا كان مش انبدلوا طبيعتنا

خلّي عظام جدودنا تتهنّى ** يحكولهم لملاك عل سيرتنا

****

تتفكريش زمانك ** زمن ناس يرضوا بموتهم عل شانك

هم نصرتك و مزينين أركانك ** رجال لوم بيهم لا هرج لا فتنا

خايف عليك يطلعوا عنوانك ** و ردّي الخبر حيّين ولّا متنا

****

ردّي خبر ما يجرا ** و راهو ظلام اللّيل يدّي فجرا

و ما يدومشي في الواد كانش حجره ** هاذا السبب في قولنا و معنتنا

و لا بد لم الشّمل بعد الهجره ** فوق التراب الليف قد جرّتنا

****

يا باهية كيف حالك ** و لا ترخصي عل قد ما يجرالك

يا غالية ال في بالنا في بالك ** عريض ال ستنى الصحو من فمّتنا

يظهر صلاح الدّين بين رجالك ** يا ام المعالم فخرنا و عزّتنا

****

لازم هكّا لازم ** ولد العرب ناراه ديما عازم

يدور الفلك بين لي انهزم و الهازم ** و هاذاي فرح قلوبنا و منيتنا

و هاذاي ما قالوا خليفة و سالم ** دريدي دلنسي موحدا كلمتنا


و هاذاي فرح قلوبنا و منيتنا

و هاذاي ما قالوا خليفة و سالم ** دريدي دلنسي موحدا
جميع الحقوق محفوظة مدونة الإبداع 2016
حقوق النشر محفوظة لـ : مدونة الإبداع ©