" مـــراوحة شعرية رائعة بين الشعراء توفيق الصغيّر و عمر العربي و أيّوب بن مسعود في مهرجان دوز 08 جانفي 2010 "
* توفيق الصغيّر :
---------------
قال يا ولد قرّب قداي إحكيلي ** و جيب الغني غنّيلي ** و بالشّعر برّد في الكنين غليلي
* عمر العربي :
* توفيق الصغيّر :
---------------
قال يا ولد قرّب قداي إحكيلي ** و جيب الغني غنّيلي ** و بالشّعر برّد في الكنين غليلي
* عمر العربي :
-------------
هفّت و برّد شوقي ** و هيّل عليّا الشّعر يا مرزوقي
لي وقت هن ضاميات عروقي ** و كانت عروقك عل محادر سيلي
وفّيت حقّك قبل فوق حقوقي ** و حقّي عليك اليوم غير اشكيلي
* توفيق الصغيّر :
---------------
حقّك علي نحكيلك ** و حقّك علي بالخافيه نشكيلك
و نكتب نجيب الشّعر و نغنّيلك ** و إنت لبيب و تفهمه تأويلي
و لو ما ضما عرقك و نار غليلك ** ما كان بحر الهيل يردف هيلي
* عمر العربي :
-------------
حيّرتني واشبيك ** غير قول بعدي كيف صاير فيك
خلّيتلك مخزون بين يديك ** وربطلك بين القوافي خيلي
و مرصود ما ينحل كانش ليك ** تهابك جنون الشّعر كي توحيلي
* توفيق الصغيّر :
---------------
بعدن زهت واجّلّت ** فاح طيبها بين الروابي هلّت
ورويت من مخزون بيه تعلّت ** ولبست أثواب العز من تفصيلي
ذبل غصنها و ريح الشهيلي ولّت ** و ناحت طيور الشّم فوق نخيلي
* عمر العربي :
-------------
كيف انغبت صقور ** و كيف نوحت فوق النخيل طيور
و ليّام موش فصولها بالدّور؟ ** لا يدوم بحري و لا يدوم شهيلي
و الشّعر لنّا قافية و بحور ** و معنى و لغة و صورته تحليلي
* توفيق الصغيّر :
---------------
مسي الصقر طايح بدّه ** و كمّل زمان العكس بيه تردّى
و بعدن كسب البوم بيه مطلب ودّه ** و بيدين غيره غم عل قنديلي
و صرّح و لوّح كلمته و تعدّى ** غياب الفحول اليوم برّد حيلي
* عمر العربي :
-------------
اني نقول حق فحول ** لو كان يحسب عمرها بالحول
و روس العرب حني و هم ذيول ** ووصلوا بذيلك للشرف و بذيلي
مرازيق لنّا في الغني ما انقول ** جيلك و جيلي وجيل سابق جيلي
* توفيق الصغيّر :
---------------
جيلك و جيل اخوالك ** و جيل من سبقني ساقلي موّالك
و ساسك صحيح النّز ما يرقالك ** وقولك شفي و علايلي يبريلي
و زاد هاج بحري كي رميت طوالك ** بميساج حيني نبعثه يولّيلي
* عمر العربي :
-------------
اني نقول مهما صار ** و نرفع سلاحي قافية و اشعار
طير حر ما ننقاد للصّمصار ** و لا نلز خيل اليوم ماهي خيلي
حني قلب واحد جم عنا يفخار ** و لا تقول سلمى و لا نقول جليلي
* توفيق الصغيّر :
---------------
اني نقولها بالعز ** و بأصلي و فصلي و نسبتي نعتز
و لا تموت نخلة و عروقها في النّز ** و هكاك صرح الشّعر في تمثيلي
حي في الصماير ما هواه الخز ** و يكثح على الفقاع جر غسيلي
* عمر العربي :
-------------
نعاشي على الفقاع ** و على نخلنا نمثله بقلاع
في وقت يزهى كان للطّمّاع ** الي كان يرجى العشر من تكييلي
ويا صاحبي حامت علينا اطماع ** وريت العدو من قبل كان خليلي
* توفيق الصغيّر :
--------------
ريت العدو في خلّي ** الي كان عندي منزله متعلّي
منين نتلفت نلقاه لابس ظلّي ** و من وهرته الطّاوس يقول حليلي
ويا عمر يلزم للعديل تولّي ** لضنوة علي لسود نقول اجريلي
* أيوب بن مسعود :
-----------------
اني نقول ممتازين ** و الشّعر أصله قول للتّبيين
لا محايلة لا مساندة وتخمين ** لا ملاطفة لا عبث في تخييلي
ولثنين شفتوه العوج بالعين ** و بالفعل نرجى شعركم يحكيلي
* توفيق الصغيّر :
--------------
ريت العوج في شوري ** و ريت الردل دنّس جميع بحوري
وما عاد كانش نكتبوا بالسوري ** و نتقاسموا ورثة حسونة الليلي
و هكاك نضمن فيزتي و بصبوري ** و تبهر نجومي في دمايس ليلي
* عمر العربي :
-------------
صحيح الزمان عواج ** و ماهي المصيبة الكلها حجّاج
الي قبلها كانت افوج افواج ** دخلت عليها سمحة التخليلي
هلي عضلها في مثيل أبراج ** وزيد عينها كي عين بوكنبيلي
* أيوب بن مسعود :
-----------------
ماهوش ع التتويج ** من قبل ما يخلاش م التعويج
اني غاضني هم العرب تفريج ** ع الشعر نبت في الخص طفيلي
ركب صهوته بالحف و التبريج ** و قال بالمهازل يا قوافي سيلي
* توفيق الصغيّر :
--------------
قال يا قريحة درّي ** وازقي القرايب من محابر شرّي
اني صرح لكن في الزقط نقرّي ** و كل من عصاني نذوقه من ويلي
و نحبل و نزلط في الحماده ذرّي ** ونكرم من الضّيفان من يرعيلي
* عمر العربي :
-------------
اش جاب قول الفارس ** لقول من يرهدن عل حياته حارس
حني شعرنا زي المطر في مارس ** منها ارتوي نفنف اخضار اقصيلي
حني شعرنا للدّارسين مدارس ** و اشعارنا ما تموت بعد رحيلي
* أيوب بن مسعود :
-----------------
هذاك مخ الهدرة ** و كل حد يلقى في حياته قدره
والّي صدم ع النّار عاري صدره ** موش كيف من عاش الحياة ذليلي
والشعر يضوي دوم عالي بدره ** و الشور لنّا ما انتلف سبيلي
* توفيق الصغيّر :
--------------
حني الشّعر من صيّاغه ** حني معدنه و طابع أمين الصّاغه
ولنّا فصاحه و مقدره و بلاغه ** و في منهجي لوزان ما تغديلي
نخاف ننشدوا منهو عطاه دماغه ** يهمهم و تنزل دمعته يبكيلي
* أيوب بن مسعود :
-----------------
لا نشده لا نساله ** خلّيك داب الشعر بيض افعاله
و ليّام تلعب لعبها بدّاله ** و شعري عكس مرايته عل جيلي
و كل جيل تبرز فيه كان رجاله ** متان القوافي يرفضوا التأويلي
* عمر العربي :
-------------
كل شعر يعكس جيله ** و يوصف نجوعه ووين ساق رحيله
والشعر ما يظلمش في تنخيله ** و يموت شعره من يعيش ذليلي
و الموت أرحم من حياة ذليله ** و لا ندير خلّي من يضيم خليلي
* توفيق الصغيّر :
--------------
هذاك هو منزلنا ** و هاذي وصيّة ناسنا و اهلنا
منين الغني بالحبس ياما قلنا ** ولا تقولي لا نجيك لا تمشيلي
و بعدن بدي بالمائدة بطّلنا ** نشد كلمتي نرتاح فصل مقيلي
هفّت و برّد شوقي ** و هيّل عليّا الشّعر يا مرزوقي
لي وقت هن ضاميات عروقي ** و كانت عروقك عل محادر سيلي
وفّيت حقّك قبل فوق حقوقي ** و حقّي عليك اليوم غير اشكيلي
* توفيق الصغيّر :
---------------
حقّك علي نحكيلك ** و حقّك علي بالخافيه نشكيلك
و نكتب نجيب الشّعر و نغنّيلك ** و إنت لبيب و تفهمه تأويلي
و لو ما ضما عرقك و نار غليلك ** ما كان بحر الهيل يردف هيلي
* عمر العربي :
-------------
حيّرتني واشبيك ** غير قول بعدي كيف صاير فيك
خلّيتلك مخزون بين يديك ** وربطلك بين القوافي خيلي
و مرصود ما ينحل كانش ليك ** تهابك جنون الشّعر كي توحيلي
* توفيق الصغيّر :
---------------
بعدن زهت واجّلّت ** فاح طيبها بين الروابي هلّت
ورويت من مخزون بيه تعلّت ** ولبست أثواب العز من تفصيلي
ذبل غصنها و ريح الشهيلي ولّت ** و ناحت طيور الشّم فوق نخيلي
* عمر العربي :
-------------
كيف انغبت صقور ** و كيف نوحت فوق النخيل طيور
و ليّام موش فصولها بالدّور؟ ** لا يدوم بحري و لا يدوم شهيلي
و الشّعر لنّا قافية و بحور ** و معنى و لغة و صورته تحليلي
* توفيق الصغيّر :
---------------
مسي الصقر طايح بدّه ** و كمّل زمان العكس بيه تردّى
و بعدن كسب البوم بيه مطلب ودّه ** و بيدين غيره غم عل قنديلي
و صرّح و لوّح كلمته و تعدّى ** غياب الفحول اليوم برّد حيلي
* عمر العربي :
-------------
اني نقول حق فحول ** لو كان يحسب عمرها بالحول
و روس العرب حني و هم ذيول ** ووصلوا بذيلك للشرف و بذيلي
مرازيق لنّا في الغني ما انقول ** جيلك و جيلي وجيل سابق جيلي
* توفيق الصغيّر :
---------------
جيلك و جيل اخوالك ** و جيل من سبقني ساقلي موّالك
و ساسك صحيح النّز ما يرقالك ** وقولك شفي و علايلي يبريلي
و زاد هاج بحري كي رميت طوالك ** بميساج حيني نبعثه يولّيلي
* عمر العربي :
-------------
اني نقول مهما صار ** و نرفع سلاحي قافية و اشعار
طير حر ما ننقاد للصّمصار ** و لا نلز خيل اليوم ماهي خيلي
حني قلب واحد جم عنا يفخار ** و لا تقول سلمى و لا نقول جليلي
* توفيق الصغيّر :
---------------
اني نقولها بالعز ** و بأصلي و فصلي و نسبتي نعتز
و لا تموت نخلة و عروقها في النّز ** و هكاك صرح الشّعر في تمثيلي
حي في الصماير ما هواه الخز ** و يكثح على الفقاع جر غسيلي
* عمر العربي :
-------------
نعاشي على الفقاع ** و على نخلنا نمثله بقلاع
في وقت يزهى كان للطّمّاع ** الي كان يرجى العشر من تكييلي
ويا صاحبي حامت علينا اطماع ** وريت العدو من قبل كان خليلي
* توفيق الصغيّر :
--------------
ريت العدو في خلّي ** الي كان عندي منزله متعلّي
منين نتلفت نلقاه لابس ظلّي ** و من وهرته الطّاوس يقول حليلي
ويا عمر يلزم للعديل تولّي ** لضنوة علي لسود نقول اجريلي
* أيوب بن مسعود :
-----------------
اني نقول ممتازين ** و الشّعر أصله قول للتّبيين
لا محايلة لا مساندة وتخمين ** لا ملاطفة لا عبث في تخييلي
ولثنين شفتوه العوج بالعين ** و بالفعل نرجى شعركم يحكيلي
* توفيق الصغيّر :
--------------
ريت العوج في شوري ** و ريت الردل دنّس جميع بحوري
وما عاد كانش نكتبوا بالسوري ** و نتقاسموا ورثة حسونة الليلي
و هكاك نضمن فيزتي و بصبوري ** و تبهر نجومي في دمايس ليلي
* عمر العربي :
-------------
صحيح الزمان عواج ** و ماهي المصيبة الكلها حجّاج
الي قبلها كانت افوج افواج ** دخلت عليها سمحة التخليلي
هلي عضلها في مثيل أبراج ** وزيد عينها كي عين بوكنبيلي
* أيوب بن مسعود :
-----------------
ماهوش ع التتويج ** من قبل ما يخلاش م التعويج
اني غاضني هم العرب تفريج ** ع الشعر نبت في الخص طفيلي
ركب صهوته بالحف و التبريج ** و قال بالمهازل يا قوافي سيلي
* توفيق الصغيّر :
--------------
قال يا قريحة درّي ** وازقي القرايب من محابر شرّي
اني صرح لكن في الزقط نقرّي ** و كل من عصاني نذوقه من ويلي
و نحبل و نزلط في الحماده ذرّي ** ونكرم من الضّيفان من يرعيلي
* عمر العربي :
-------------
اش جاب قول الفارس ** لقول من يرهدن عل حياته حارس
حني شعرنا زي المطر في مارس ** منها ارتوي نفنف اخضار اقصيلي
حني شعرنا للدّارسين مدارس ** و اشعارنا ما تموت بعد رحيلي
* أيوب بن مسعود :
-----------------
هذاك مخ الهدرة ** و كل حد يلقى في حياته قدره
والّي صدم ع النّار عاري صدره ** موش كيف من عاش الحياة ذليلي
والشعر يضوي دوم عالي بدره ** و الشور لنّا ما انتلف سبيلي
* توفيق الصغيّر :
--------------
حني الشّعر من صيّاغه ** حني معدنه و طابع أمين الصّاغه
ولنّا فصاحه و مقدره و بلاغه ** و في منهجي لوزان ما تغديلي
نخاف ننشدوا منهو عطاه دماغه ** يهمهم و تنزل دمعته يبكيلي
* أيوب بن مسعود :
-----------------
لا نشده لا نساله ** خلّيك داب الشعر بيض افعاله
و ليّام تلعب لعبها بدّاله ** و شعري عكس مرايته عل جيلي
و كل جيل تبرز فيه كان رجاله ** متان القوافي يرفضوا التأويلي
* عمر العربي :
-------------
كل شعر يعكس جيله ** و يوصف نجوعه ووين ساق رحيله
والشعر ما يظلمش في تنخيله ** و يموت شعره من يعيش ذليلي
و الموت أرحم من حياة ذليله ** و لا ندير خلّي من يضيم خليلي
* توفيق الصغيّر :
--------------
هذاك هو منزلنا ** و هاذي وصيّة ناسنا و اهلنا
منين الغني بالحبس ياما قلنا ** ولا تقولي لا نجيك لا تمشيلي
و بعدن بدي بالمائدة بطّلنا ** نشد كلمتي نرتاح فصل مقيلي
بقلم عاشق النات
بسم الله الرحمان الرحيم
